OTHELO

სელექციონერი: დევიდ ოსტინი
სხვა დასახელება: AUSlo, Kammersangerin Christel Goltz, Macbeth
ქვეყანა: დიდი ბრიტანეთი
მწარმოებელი (ბრენდი): დევიდ ოსტინის ვარდები
ჯგუფი: ინგლისური ვარდები
სელექციის წელი: 1986
ფერი: მუქი წითელი
სურნელი: ძალიან ძლიერი
ყვავილის ფორმა: ფიალისებური
ყვავილის დიამეტრი (სმ): 12-15
სიხუჭუჭე: ძალიან ხუჭუჭა
ტოტზე ყვავილების რაოდენობა: 1-3
სიმაღლე (სმ): 110-130
სიგანე (სმ): 80-100
ყვავილობის პერიოდი: ყინვებამდე განმეორებით მოყვავილე
დაავადებების მიმართ მდგრადობა: საშუალო
ყინვაგამძლეობა: დიახ
1986 წელს დევიდ ოსტინის (1926-2018) მიერ გამოყვანილი შრაბი “ოტელო”, დღემდე რჩება ერთ – ერთი ყველაზე მდიდრულ და საიმედო ინგლისურ შრაბად. ყვავილები აქვს მჭიდროდ ხუჭუჭა, ნოსტალგიური, ფიალის იდეალური ფორმის, დიდრონი, რომელთა დიამეტრი აღემატება 14 სმ-ს.

ფერი ყვავილის ხანდაზმულობის მიხედვით იცვლება. ვარდის ძირითადი ფერი არის ინტენსიური მუქი წითელი, კარმინის (ბუნებრივი, თიხისფერი საღებავი) მსგავსი, რომელიც ხშირად უფრო ჟოლოსფერთან არის ახლოს. ბოლომდე გაშლილს, მჭიდრო ხუჭუჭა გულში ყვითელი მტვრიანები უჩანს, ხოლო ფერში ღია მეწამული და იასამნისფერი ელფერი ერევა, თან გარეთა ფურცლებისკენ ღიავდება.

ამინდიდან გამომდინარე, ფერი იცვლება ვარდისფერ-ჟოლოსფერიდან მეწამულ-იასამნისფერისკენ. ცივ ამინდში ყველაზე მუქი ფერია. გვიან შემოდგომის ყვავილები არის “მუქი სისხლისფერ-წითელი, დაბერებული ყვავილები კი ჟოლოსფერი, ხოლო ზაფხულის ყვავილობას უფრო მოვარდისფრო ელფერი აქვს.

აქვს ინტენსიური სურნელი, ტკბილი და გამყოლი, ვარდის ეთერზეთის კონცენტრირებული ნაზავის მსგავსი, არომატი მოღრუბლულ ამინდში ბევრად მკვეთრია.

ყვავის გაზაფხულიდან პირველ ყინვებამდე, ასწრებს რამდენიმე ტალღას, მოკლე შესვენებებით. თითო ტოტზე შეიძლება იყოს ცალკეული ყვავილებიც და მცირე ზომის მტევნებიც (სამამდე ყვავილით).

ბუჩქი გამძლეა, სწორმდგომი, ძლიერი, კარგად დატოტილი, მსხვილი ეკლებით.
ბუჩქის სიმაღლეა 105-დან 245 სმ-მდე, სიგანე 90-დან 185 სმ-მდე. აქვს მაღალი ყინვაგამძლეობა. USDA ზონა 5b – 10b. ფოთლები არის მუქი მწვანე, პრიალა, მკვრივი. ვარდს სჭირდება ჭრაქის საწინააღმდეგოდ პროფილაქტიკური შეწამვლა.

სასურვლია ვარდისთვის შეირჩეს მზიანი ადგილი. იდეალურია ყვავილნარში, შერეულ გამყოფ ზოლებად, ან თუნდაც ერთი ეგზემპლარად კოლექციისთვის.

ვარდს უილიამ შექსპირის ცნობილი ტრაგედიის “ოტელოს” სახელი ჰქვია.

მიუხედავად იმისა, რომ დევიდ ოსტინმა აღნიშნა, რომ “ოტელო” უკეთესი ჯიშებით შეიცვალა, ეს ვარდი თავისი დიდი, ჟოლოსფერიდან მეწამულამდე ფერის ყვავილებით, არომატითა და მაღალი დეკორატიულობით კვლავ მოთხოვნადია. დევიდ ოსტინის ვარდების მოყვარულები ამ ვარდისთვის დღემდე არ იშურებენ ადგილს საკუთარ კოლექციებში.