MIRANDA

სელექციონერი: დევიდ ოსტინი
სხვა დასახელება: Ausimmon
ქვეყანა: დიდი ბრიტანეთი
მწარმოებელი (ბრენდი): David Austin Roses
ჯგუფი: ინგლისური ვარდები, ფლორისტული ვარდები
სერია: საპატარძლო ვარდები
სელექციის წელი: 1997
ფერი: ღია ვარდისფერი
სურნელი: მსუბუქი
ყვავილის ფორმა: გვირგვინისებრი
ყვავილის დიამეტრი (სმ): 8-10
სიხუჭუჭე: ძალიან ხუჭუჭა
ფურცლების რაოდენობა: 120
სიმაღლე (სმ): 90-110
სიგანე (სმ): 40-60
ყვავილობის პერიოდი: განმეორებით მოყვავილე
დაავადებების მიმართ მდგრადობა: მაღალი
ყინვაგამძლეობა: დიახ
“მირანდა” შეიქმნა 1997 წელს “დევიდ ოსტინის ვარდების” მიერ და შეტანილია მათ საპატარძლო თაიგულების სერიაში. ამ კოლექციაში შედის 16 ძალიან ლამაზი ფორმისა და შეფერილობის სრულყოფილი ნამუშევარი, რომლებსაც ხშირად პიონის მსგავსს, სადედოფლო ვარდებსაც უწოდებენ. 2000 წლიდან დევიდ ოსტინმა შექმნა ახალი ხაზი ფლორისტული ვარდების, რომლებსაც აქვთ ძველი ვარდების მსგავსი ფორმა და სურნელი, მაგრამ მათგან განსხვავებით, დიდხანს ძლებენ ლარნაკში, რის გამოც, გამოიყენება ფლორისტულ ინდუსტრიაში. თავად დევიდ ოსტინმა ამ სერიის თითოეული ჯიში აღწერა, როგორც ფლორისტული ხელოვნების ექსკლუზიური ნამუშევარი, სადაც ფურცლების წყობა ავლენს დახვეწილ ელფერსა და მარადიულ ელეგანტურობას. რაც დევიდ ოსტინის ვარდებისათვის არის დამახასიათებელი. ამ ვარდების თვისებებისა და მომხიბლავობის აღწერა ხშირად რთულია.
“მირანდა” გამოიყვანა და სახელიც შეურჩია მისტერ ოსტინმა 1997 წელს, მისი ლამაზი ფორმისა და ჯანსაღი ფოთლების, თითქმის ყველა ტოტის წარმოებისთვის გამოსადეგობის გამო, ძალიან მოთხოვნადი ვარდია ფლორისტულ ინდუსტრიაში. ამას ემატება ისიც, რომ ყვავილი 10 დღის განმავლობაში ძლებს ლარნაკში.
მდიდარული და დეკადენტური (ინდივიდუალიზმის განწყობილებათა გამოხატულება) “მირანდა” აუცილებლად მიიპყრობს ყურადღებას ნებისმიერ გარემოში. ყვავილი აქვს ღია ვარდისფერი, უფრო სწორად, ორ ტონში – მოჭირხლული ნუშის ჩრდილებითა და ალუბლის ფერი გულით, შემოსაზღვრული ღია ვარდისფერი გარეთა ფურცლებით. ყვავილის გარე ფურცლები დაქსაქსულია ბუნებრივი მწვანე ძარღვებით, გაშლასთან ერთად ეს გარეთა მხარე უკან იკეცება და გაშლილ ყვავილში აღარც ჩანს. ყვავილები საშუალო და დიდი ზომისაა, მჭიდროდ ხუჭუჭა (120 ფურცელით). მთელი სეზონის განმავლობაში ყვავის ტალღებად. აქვს ხილის ნაზი არომატი გაზაფხულის ყვავილების ნოტებით. არომატის ინტენსივობა 5 ქულიანი სისტემით შეიძლება შეფასდეს 2 ქულაზე. ბუჩქი არის ვიწრო, დაბურული, გატოტილი. დიდი ფოთლებით. მირანდას ყვავილები 1920-იანი წლების დახვეწილ სტილსა და გლამურულობას მოგვაგონებს.
“მირანდა” კარგად ეხამება საქორწილო სერიის ვარდებს Capebility-ის ან Juliet-ს.