PURITY

სელექციონერი: დევიდ ოსტინი
სხვა დასახელება: Ausoblige
ქვეყანა: დიდი ბრიტანეთი
მწარმოებელი (ბრენდი): David Austin Roses
სერია: საპატარძლო ვარდები
ჯგუფი: ფლორისტული ვარდები, ინგლისური ვარდები
სელექციის წელი: 2016
ფერი: კრემისფერი
სურნელი: ძლიერი
ყვავილის ფორმა: ფიალისებური
ყვავილის დიამეტრი (სმ): 8-10
სიხუჭუჭე: ძალიან ხუჭუჭა
ფურცლების რაოდენობა: 90
ტოტზე ყვავილების რაოდენობა: 1-3
სიმაღლე (სმ): 110-130
სიგანე (სმ): 60-80
ყვავილობის პერიოდი: განმეორებით მოყვავილე
დაავადებების მიმართ მდგრადობა: მაღალი
ყინვაგამძლეობა: დიახ
ვარდს “ფიურითი” (ითარგმნება როგორც “სიწმინდე”), აქვს მარგალიტის მსგავსად თეთრი ფურცლები, რომელსაც მსუბუქი ატმისფერი გადაჰკრავს ცენტრში. შეიქმნა 2016 წელს დევიდ ოსტინის ვარდების მიერ და შეტანილია მათ საპატარძლო თაიგულების სერიაში. ამ კოლექციაში შედის 16 ძალიან ლამაზი ფორმისა და შეფერილობის სრულყოფილი ნამუშევარი, რომლებსაც ხშირად პეიონის მსგავსს, სადედოფლო ვარდებსაც უწოდებენ. 2000 წლიდან დევიდ ოსტინმა შექმნა ფლორისტული ვარდების ახალი ხაზი, რომლებისაც აქვთ ძველი ვარდების მსგავსი ფორმა და სურნელი, მაგრამ მათგან განსხვავებით დიდხანს ძლებენ ლარნაკში, რის გამოც გამოიყენება ფლორისტულ ინდუსტრიაში. თავად დევიდ ოსტინმა ამ სერიის თითოეული ჯიში აღწერა, როგორც ფლორისტული ხელოვნების ექსკლუზიური ნამუშევარი, სადაც ფურცლების წყობა ავლენს დახვეწილ ელფერსა და მარადიულ ელეგანტურობას. რაც დევიდ ოსტინის ვარდებისათვის არის დამახასიათებელი. ამ ვარდების თვისებებისა და მომხიბლავობის აღწერა ხშირად რთულია.

ვარდი “ფიურითი” – მშვიდი რომანტიკისა და გლამურის განსახიერებაა თავისი ნაზი და ფაქიზი ინდივიდუალურობით. მარგალიტის მსგავსი თეთრი, დიდი, გარე ფურცლები დელიკატურ, ატმისფერი ჩრდილით დაფერილ შიდა პატარა ფურცლებს ნაზად ესაზღვება. პატარა კოკრიდან ბუმბულივით მსუბუქი ფურცლები ფიალის ფორმის შესანიშნავ ყვავილად იშლებიან,შემდეგ კი ბრტყელი, გვირგვინისებური ფორმის ვარდი იშლება. ყვავილები საშუალო ზომის აქვს, მჭიდროდ ხუჭუჭა, დაახლოებით 90 ფურცელისგან შემდგარი. სურნელი აქვს გრილი, ზუსტად ვარდის წყლის მსგავსი, რახათ-ლუხუმის ნოტებით. არომატის ინტენსივობა 5 ბალიანი სისტემით შეიძლება შეფასდეს 4 ქულით.
უნაზესი ყვავილობა აქვს და ამ პროცესზე დაკვირვების შესაძლებლობას მხოლოდ ფუფუნების საგანი შეიძლება ეწოდოს. ესეთი ყვავილები ნებისმიერ კომპოზიციას შემატებს სტრუქტურას თავისი ატმისფერი აქცენტებითა და დახვეწილობით. ეს ვარდი ძალიან კარგად ეხამება ოსტინის “ჯულიეტსა” და “კონსტანტსს”
ვარდი “ფიურითი” ლარნაკში ძლებს 10 დღის განმავლობაში მინიმუმ და მისი გამოყენება შესაძლებელია, როგორც საქორწილო, ასევე სხვა ღონისძიებებისთვის, ასევე განსაკუთრებული შემთხვევებისთვისა და ყოველდღიური ყვავილების კომპოზიციებისათვის.