EMILY BRONTE

სელექციონერი: დევიდ ოსტინი
ქვეყანა: დიდი ბრიტანეთი
მწარმოებელი (ბრენდი): David Austin Roses Limited
ჯგუფი: ინგლისური ვარდები
სელექციის წელი: 2018
ფერი: ვარდისფერ-ატმისფერი
სურნელი: ძლიერი
ყვავილის ფორმა: ბრტყელი, გვირგვინისებური
ყვავილის დიამეტრი (სმ): 6-8
სიხუჭუჭე: ძალიან ხუჭუჭა
სიმაღლე (სმ): 110-130
სიგანე (სმ): 80-100
ყვავილობის პერიოდი: განმეორებით მოყვავილე
დაავადებების მიმართ მდგრადობა: მაღალი
ყინვაგამძლეობა: დიახ
ინგლისური ვარდი “ემილი ბრონტე”, არის დევიდ ოსტინის განსაკუთრებით ლამაზი ჯიში. დახვეწილი, ვარდისფერი ყვავილებით, რომელსაც გარგრისფერი გული აქვს და ჩაის ძლიერი სურნელი, ძველი ვარდის, ლიმონისა და გრეიფრუტის ნოტებით.
ყვავილი გამორჩეულია: მჭიდრო, ხუჭუჭა, ბრტყელი გვირგვინით. ყვავილების ფურცლები ღია ვარდისფერ-გარგრისფერი, ხოლო გულის გარშემო განლაგებული ცენტრალური, პატარა ფურცლები უფრო მუქი ატმისფერ-მოყვითალოა. ახალი გაშლილი ყვავილის სურნელი ჰგავს ძლიერი ჩაის არომატს, ხოლო დაძველებასთან ერთად ძველი ვარდების, ლიმონისა და გრეიფრუტის ნოტები უფრო იგრძნობა. ყვავის მთელი სეზონის განმავლობაში, ტალღებად.
ბუჩქი არის დაბურული, ვერტიკალური, 120 სმ სიმაღლისა და 105 სმ სიგანის.
მისი გამოყენება შესაძლებელია ყვავილნარში, საზღვრებად ან კონტეინერში დარგვისთვის.

ვარდს მწერლის, ემილი ბრონტეს, დაბადებიდან ორასი წლის იუბილეს აღსანიშნავად დაარქვეს სახელი. ემილი ჯეინ ბრონტე (30 ივლისი 1818 – 19 დეკემბერი, 1848) – იყო ინგლისელი მწერალი და პოეტი. მისი რომანი “ქარიშხლიანი უღელტეხილი” გამოიცა 1847 წელს, მის უდროო გარდაცვალებამდე ერთი წლით ადრე (გარდაიცვალა 30 წლის ასაკში). ეს არის სიყვარულისა და შურისძიების ბნელი ამბავი, რომელიც ქეით ერნშოუსა და ჰითკლიფის ურთიერთობას ეხება. ამჟამად, მის პოეზიას განსაკუთრებით აფასებენ. ლექსებმა “ხსოვნა”, “პატიმარი” და სხვებმა მას აღიარება მოუტანეს, როგორც ნიჭიერ პოეტს, არანაკლებ ორიგინალურს ვიდრე იყო ბლეიკი, შელი და ბაირონი.