KATE

სელექციონერი: დევიდ ოსტინი
სხვა დასახელება: AUSCHRIS
ქვეყანა: დიდი ბრიტანეთი
მწარმოებელი (ბრენდი): დევიდ ოსტინის ვარდები
სერია: საპატარძლო ვარდები
ჯგუფი: ინგლისური ვარდები
სელექციის წელი: 2012
ფერი: ჟოლოსფერი
სურნელი: ძლიერი
ყვავილის ფორმა: ფიალისებური
ყვავილის დიამეტრი (სმ): 10-12
სიხუჭუჭე: ძალიან ხუჭუჭა
ფურცლების რაოდენობა: 140
ერთ ტოტზე ყვავილების რაოდენობა: 1-3
სიმაღლე (სმ): 110-130
სიგანე (სმ): 60-80
ყვავილობის პერიოდი: განმეორებით მოყვავილე
დაავადებების მიმართ მდგრადობა: მაღალი
ყინვაგამძლეობა: დიახ
“კეითი” არის კომპანია “დევიდ ოსტინის ვარდების” მიერ შექმნილი ინგლისური ვარდი, რომელიც შედის მათ საპატარძლო თაიგულებისა და ფლორისტული ვარდების კოლექციაში. შექმნილია თავად დევიდ ოსტინის მიერ და რეკომენდირებულია საქორწილო და სხვა ღონისძიებებისთვის. ამ კოლექციაში შედის 16 ძალიან ლამაზი ფორმისა და შეფერილობის სრულყოფილი ნამუშევარი, რომლებსაც ხშირად პიონის მსგავსს, სადედოფლო ვარდებსაც უწოდებენ.
დევიდ ოსტინის “ქეითი” წარდგენისთანავე საქორწილო თაიგულებისთვის ძალიან პოპულარული არჩევანი გახდა. ტოტები აქვს ძლიერი, ყვავილების სიმძიმისგან არ იხრება და გვირგვინები ყოველთვის ზევით იყურება. კოკორი მკვრივი აქვს. პიონის ყვავილს წააგავს, იშლება დატალღული ფურცლებით სავსე ფიალის ფორმის. გახსნის ყველა ეტაპზე მშვენიერია – მკვეთრი ვარდისფერი, მოგრძო ფრომის, ელეგანტური კოკრებიდან დაწყებული, 10 სმ დიამეტრის მქონე, გარეთა მოვერცხლისფრო ფურცლებითა და მკვეთრი ჟოლოსფერი გულით, დიდი, ყვავილით დამთავრებული. გულში ოქროსფერი მტვრიანები ასეთი მუქი ფურცლების ფონზე, ძალიან კონტრასტულია. დაძველებასთან ერთად, ფურცლები უფრო კაშკაშა ხდება და იასამნისფერ ელფერს იძენს. აქვს დახვეწილი სურნელი, დაბალანსებული, რომელსაც წვიმის შემდეგ გრილი არომატი აქვს, ლიმონისა და მსხლის ნოტებით. ასევე დაჰყვება ჟოლოს, წითელი მოცხარის, გერანიუმისა და ბერგამოტის სურნელი. სურნელის ინტენსივობა იცვლება, ისევე როგორც თავად ყვავილის ფერი.
საპატარძლო ვარდი “ქეითი” მინიმუმ შვიდი დღის განმავლობაში ინარჩუნებს ლარნაკში მომხიბლავობას. ვარდს ყველაზე დეკორატიული სტადია მოჭრიდან მე – 4 ან მე –5 დღეს აქვს. ტოტზე ყვავილების რაოდენობაა 1-3.
ღია გრუნტში, საპატარძლო სერიის ყველა ჯიში საუკეთესოდ ხარობს, ავლენს თავის ყველა დადებით თვისებას, როგორიცაა უხვი, უწყვეტი ყვავილობა მთელი სეზონის განმავლობაში. მათ აქვთ თანამედროვე ჯიშების ისეთი თვისებები, როგორიცაა დაავადებებისადმი გამძლეობა, ყინვაგამძლეობა და ლამაზი ბუჩქის ფორმა. ბუჩქის სიმაღლე 100-130სმ. სიგანე 80 სმ. ფოთლები პრიალაა.
ვარდს ჰქვია კემბრიჯის ჰერცოგინია ქეითის სახელი.