SOUVENIR DE LA MALMAISON

ქვეყანა: საფრანგეთი
მწარმოებელი (ბრენდი): Hazlewood Bros. Pty. Ltd
ჯგუფი: ისტორიული ვარდები
სელექციის წელი: 1843
სერია: ბურბონი
ფერი: ვარდისფერი
სურნელი: ძალიან ძლიერი
ყვავილის ფორმა: სექციური
ყვავილის დიამეტრი (სმ):10-12
სიხუჭუჭე: ხუჭუჭა
ფურცლების რაოდენობა: 41+
სიმაღლე (სმ): 90-110
სიგანე (სმ): 80-100
ყვავილობის პერიოდი: უწყვეტად მოყვავილე
დაავადებების მიმართ მდგრადობა: დაბალი
ყინვაგამძლეობა: დიახ

ეს ვარდი ჩვენამდე მოღწეულ ბურბონის ჯიშებში ითვლება ერთ – ერთ საუკეთესო ვარდად. უძველესი ვარდებიდან ყველაზე ცნობილი იყო თავისი სილამაზითა და სურნელით. “სუვენირ დე ლა მალმეისონისგან” ასევე გამოყვანილია ოთხი ლამაზი ჯიშის ვარდი: 1.მუქი ვარდისფერი, 2.ძალიან თეთრი, 3.იგივენარი ყვავილებით, ოღონდ ხვიარა და 4.ნახევრად ხუჭუჭა. მისი ყვავილები წარმოუდგენლად დიდრონია, სექციურად ხუჭუჭა, ნახევარმთვარისებური გვირგვინებით, რომელთა დიამეტრი დაახლოებით 12 სმ-ია. სურნელი უცნაური აქვს, ხილის არომატით. ყვავილები ღია ვარდისფერია, ასაკის მატებასთან ერთად კრემისფერი ხდება, ხოლო უამრავი დელიკატური ფურცელი ლამაზად ეწყობა ცენტრში. არომატი ყოველთვის სასიამოვნო აქვს, ხანდახან დარიჩნისა და მწიფე ბანანის სურნელი ასდის. ვარდის უპირატესობად ითვლება მისი უხვი როგორც პირველი, ასევე განმეორებითი ყვავილობა. კლიმატის მიხედვით, ის იზრდება 60 – 185 სმ სიმაღლის, სიგანე 90 – 185 სმ, საუკეთესოდ იზრდება ცხელ, მშრალ კლიმატურ პირობებში, სადაც ორი მეტრიც შეიძლება გახდეს. არ უყვარს ძლიერი გასხვლა, რადგან ნელა იზრდება და შეიძლება რამდენიმე წელიც დასჭირდეს, რომ თავისი ბრწყინვალება წარმოაჩინოს.
ფოთლები დიდია, პრიალა, ისეთივე, როგორც ჩაის ჰიბრიდებს. სჭირდება შეწამვლა. ცივ და ნოტიო კლიმატურ პირობებში შესაძლებელია დაავადდეს. ბუჩქი კარგად იტოტება, ეკლიანია და ძალიან სქელ ტოტებს იკეთებს.შესაფერისია პატარა ბაღისთვის, ან კონტეინერისთვის. USDA ზონა 5b.
ვარდს ეწოდა დედოფალი ჟოზეფინას ცნობილი ბაღის სახელი, რომელშიც განსაკუთრებული სიმრავლით წარმოდგენილი იყო ვარდები. იგი შეყვანილია ძველი ვარდების დიდების სასახლეში, როგორც ისტორიული და გენეოლოგიური მნიშვნელობის ვარდი, რომელიც წლების განმავლობაში იყო ძალიან პოპულარული.