PASHMINA

სელექციონერი: Kordes
ქვეყანა: გერმანია
სერია: ყვავილების ცირკი
მწარმოებელი (ბრენდი):Kordes Roses
ჯგუფი: ფლორიბუნდა
სელექციის წელი: 1999
ფერი: კრემისფერი
სურნელი: მსუბუქი
ყვავილის ფორმა: ნახევარმთვარისებური
ყვავილის დიამეტრი (სმ): 6-8
სიხუჭუჭე: ძალიან ხუჭუჭა
ფურცლების რაოდენობა: 50
1 ტოტზე ყვავილების რაოდენობა:1-3
სიმაღლე (სმ): 50-70
სიგანე (სმ): 20-40
ყვავილობის პერიოდი: განმეორებით მოყვავილე
დაავადებების მიმართ მდგრადობა: მაღალი
ყინვაგამძლეობა: დიახ
პაშმინა (პომპონის ყვავილების ცირკი) არის კომპაქტური, კარგად გაფოთლილი ვარდი, რომელიც უხვად ყვავის დელიკატური, ელეგანტური ყვავილებით, რომლებიც ძვირადღირებული ჩინური აბრეშუმისგან შეკერილი გეგონება.
კვირტის ფერი საკმაოდ საინტერესოა – თავიდან მომწვანო-კრემისფერია, როცა იშლება, გული ვარდისფერი უხდება, ხოლო კიდეები მოთეთრო კრემისფერში გადადის. არასდროს შლის თითო-ოროლა გვირგვინს, მუდმივად ერთდროულად ათეულობით კვირტი იწყებს ხოლმე გაშლას, რის გამოც, ბუჩქი თეთრი, გულვარდისფერა ბურთებით სავსე საკარნავალო კაბას ემსგავსება. ასეთი სანახაობა, ბაღში რომანტიულ ატმოსფეროს ჰქმნის და ნებისმიერი ტიპის ლანდშაფტის დიზიანში შეიტანს ჰარმონიულ ელფერს.
ყვავილები არის მცირე ან საშუალო ზომის, დიამეტრით 5-დან 10 სმ-მდე, მოცულობითი, ძალიან ხუჭუჭა (50-მდე ფურცელი), მობურთული, ყვავის მტევნებად (3-დან 6 ყვავილამდე ღეროზე) და ყვავილს დიდხანს ინარჩუნებს. პაშმინას ფურცლები თხელი, ნაზი, აბრეშუმის მსგავსია და არომატი ძალიან მსუბუქი, რბილი და სასიამოვნოა. ფერი კრემისფერია ღია ვარდისფერი ცენტრით და იცვლება მზის სხივების, დღის ხანგრძლივობის, ნალექის ოდენობისა და ძირითადად ტემპერატურის მიხედვით. ზაფხულის პირველი ყვავილები კრემისფერია გარეთა მომწვანო ფურცლებით, ხოლო შემოდგომის ყვავილებს უკვე მარწყვის მუსის გულსართი აქვს.
ჯიში არაა მომთხოვნი, თუმცა ნაზია. ყვავილები ძალიან მგრძნობიარეა ძლიერი ნალექის მიმართ. წვიმამ შეიძლება, დააზიანოს ფურცლები, ან გვირგვინი არ გაიხსნას, ტენიანობისგან გაშავდეს. თუმცა, სხვა მხრივ, ვარდი კარგად უმკლავდება სიცხეს და მცხუნვარე მზეს. მისგან უხვი და ხანგრძლივი ყვავილობა გარანტირებულია. ასევე კარგად ყვავილობს განმეორებით. ვარდი განსაკუთრებულ სანახაობას აწყობს შემოდგომით, როცა ტემპერატურა ეცემა და ტენიანობა იკლებს, ქმნის უნაზეს თანაყვავილედებს.
პაშმინას არ აქვს მაღალი ტოტები, თუმცა კარგად უჭირავს თავისი მძიმე მობურთული ყვავილები სწორი და ძლიერი ტოტების დამსახურებით. სიმაღლე იშვიათად აჭარბებს 80 სმ-ს, ბუჩქი არის კომპაქტური, კარგად გაფოთლილი, მუქი მწვანე ფერის ჯანმრთელი ფოთლებით და სოკოვანი დაავადებების მიმართ კარგი გამძლეობით. საშუალო ბუჩქი 50 სმ სიგრძისა და 35 სმ სიგანისაა. რეკომენდებულია მცირე ზომის ბაღებში და ქოთნებში გასაზრდელად, იდეალურია ტერასაზე.