TIRAMISU

სელექციონერი: Interplant
ქვეყანა: ნიდერლანდები
მწარმოებელი (ბრენდი): Interplant
ჯგუფი: სპრეი
სელექციის წელი: 2006
ფერი: ორფერა
სურნელი: მსუბუქი
ყვავილის ფორმა: ფიალისებური
ყვავილის დიამეტრი (სმ): 4 მდე
სიხუჭუჭე: ხუჭუჭა
ფურცლების რაოდენობა: 25-30
ტოტზე ყვავილების რაოდენობა: 5-10
სიმაღლე (სმ): 30-50
სიგანე (სმ): 20-40
ყვავილობის პერიოდი: განმეორებით მოყვავილე
დაავადებების მიმართ მდგრადობა: საშუალო
ყინვაგამძლეობა: დიახ
“ტირამისუ” არის ნიდერლანდელი სელექციონერების (ინტერპლანტის) მიერ შექმნილი პატიო ვარდი, სპრეი ვარდი, რომელსაც მიაკუთვნებენ ფლორიბუნდების ქვეკლასს.
როგორც ამას ვარდის სახელი გვკარნახობს, ისეთივე გემრიელი შეფერილობა აქვს როგორც ნამცხვარს – ტირამისუს, ისიც, როგორც დესერტი, რომელსაც ტრაპეზის ბოლოს მიირთმევენ, ბაღში ნებისმიერ კომპოზიციას დასრულებს ფერადად და გემრიელად. რთული შეფერილობა აქვს, ფურცლების შიდა მხარე მოყავისფრო-შინდისფერია, თიხისფერ-კრემისფერი რევერსით. სტრუქტურა – ხავერდოვანი, მსუბუქი ბზინვარებით. სპრეი ვარდების უმეტესობის მსგავსად, ყვავილები პატარაა (2-3 სმ), გამოკვეთილი, ამაღლებული ცენტრით, ხუჭუჭა, რომელშიც სულ მცირე 20-25 ფურცელია, თითოეული ფურცლის ბოლო ოდნავ წაწვეტებულია და დატალღული. რისი დამსახურებითაც, ბუჩქი გამოიყურება ძალიან ელეგანტურად. ყვავის 5-10 ცალიან მტევნებად, უკვე დაკრეფილი, გამზადებული თაიგულები გეგონება. საყვავილე ყუნწები ძლიერი აქვს და ყვავილების სიმძიმეს კარგად უძლებს, შესაბამისად გვირგვინები ზევით იყურება. ფურცლები აქვს მკვრივი, სხვა მოსაჭრელი ჯიშების მსგავსად, დიდხანს ინარჩუნებს ფორმასა და ფერს, თუნდაც ხანგრძლივი წვიმების დროს. არომატი ძალიან მსუბუქი, დელიკატურია. ბაღს დაამშვენებს ტალღებად, გვიან ყვინვებამდე, თავისი ლამაზი ბუჩქის ფორმითა და შესანიშანვი შეფერილობით. სასურველია, გადაყვავილებული მტევნების გასხვლა, შემდგომი ყვავილობის სტიმულირებისთვის. ჯიში საკმაოდ უპრეტენზიოა, ყვავილობს მიმდინარე წლის ტოტებზეც. მეორე ყვავილობისას შეფერილობა ოდნავ ღიავდება.
ბუჩქი ყალიბდება 40-დან 60 სმ-მდე სიმაღლის, სიგანე 30-დან 50 სმ-მდე, კარგად დატოტილი, ლამაზად გაფოთლილი. ფოთლები არის მუქი მწვანე, ტყავის ფაქტურის, ჯანსაღი, აქვს კარგი მდგრადობა ჭრაქისა და შავი ლაქების მიმართ. ძალიან შთამბეჭდავად გამოიყურება ჯგუფურად დარგული ტირამისუს რამდენიმე ბუჩქი. ვარდი ქოთანშიც ადვილი მოსავლელია და საერთოდ არ ამცირებს ყვავილობის სიუხვეს.
USDA ზონა 6.