BARON JIROD DE L’AIN

სელექციონერი: Reverchon
სხვა დასახელება: Baron Giraud De l’Ain, Prinzess Christine Von Salm , Nase Národni
ქვეყანა: საფრანგეთი
ჯგუფი: შრაბი
სელექციის წელი: 1987
ფერი: ალუბლისფერი
სურნელი: ძლიერი
ყვავილის ფორმა: ფიალისებური
ყვავილის დიამეტრი (სმ): 8-10
სიხუჭუჭე: ხუჭუჭა
ფურცლების რაოდენობა: 35-40
ტოტზე ყვავილების რაოდენობა: 3-5
სიმაღლე (სმ): 110-130
სიგანე (სმ): 80-100
ყვავილობის პერიოდი: განმეორებით მოყვავილე
დაავადებების მიმართ მდგრადობა: საშუალო
ყინვაგამძლეობა: დიახ
“ბარონ ჟირო დუ ლან” ევგენ ფურსის (ძველი ვარდი) შთამომავალია, რომელიც რევერჩონმა აღმოაჩინა საფრანგეთში ჯერ კიდევ 1897 წელს. ვარდის ჯიში უჩვეულო და ორიგინალურია. გახსნისას, ფურცლები მუქი შინდისფერია, მეწამული, ძალიან წვრილი, თეთრი (მზეზე ვერცხლისფერი) არშიით. მზის სხივებისგან ყვავილები ოდნავ ხუნდება და იასამნისფერ ელფერს იძენს. ყვავილის გული თეთრია. ეს განსაკუთრებით კარგად ჩანს, როცა გვირგვინი ბოლომდე იშლება, ვარდი ეფექტურად, მომრგვალებულად ალაგებს ფურცლებს ერთმანეთზე. თასის ფორმის ყვავილები დიამეტრით 8-დან 12-14 სმ-მდე ყვავიან როგორც ცალკეულ გვირგვინებად, ასევე 1-დან 5 ცალამდე მტევნებად. არომატი ცვალებადია და მისი აღწერა შეუძლებელია სიტყვებით, გაჯერებულია არაჩვეულებრივი შტრიხებით. მათრობელა და ამავე დროს, დამამშვიდებელი. ყვავის ტალღებად მთელი სეზონის განმავლობაში . ამ საუკუნეების წინ შექმნილი სილამაზის ყვავილს, თავისი შესაფერისი ღირესული ფოთლები აქვს. ბუჩქის სიმაღლე 120-150 სმ აღწევს, ხოლო სიგანე 90-დან 120 სმ-მდე. მიუხედავად იმისა, რომ ბუჩქი სწორმდგომია, შეიძლება ოდნავ დაიშალოს, ტოტების ჩამოშვებული, თაღოვანი დგომის გამო. ამიტომ სჯობს, კარგად გაისხლას, ან ტოტები საყრდენზე მიებას. ვარდი საკმაოდ ეკლიანია. მსუბუქ ჩრდილში სჯობს დაირგვა, თუმცა, ნახევარ ჩრდილსაც ადვილად ეგუება. დაავადებების მიმართ წინააღმდეგობა საშუალოა, შეიძლება, დაავადდეს იმ წლებში, როცა ცუდი ზაფხული დაემთხვევა, მიყოლებით არახელსაყრელი ამინდები . ყინვაგამძლეა USDA ზონა 6b და ზემოთ.
ჯიშს სახელი დაარქვეს ბარონ ჟირო დუ ლანის, ფრანგი პოლიტიკოსის (1781-1847) საპატივცემულოდ.